Punonjësit e grupacionit “Maliqi Group” janë regjistruar në Regjistrin e dhuruesve vullnetarë të palcës kockore, duke shpresuar se të paktën 40 persona të sëmurë nga leukemia, nga kudo në botë, do të ndihmohen për të qëndruar në jetë. Duke iu referuar bindjeve tona altruiste, vullnetarët e “Maliqi Group” dhuruan vetëm 5 ml gjak dhe kështu hynë në Regjistrin e dhuruesve vullnetarë të palcës kockore. Aksioni u zhvillua në restorantin FOUR, në Park Hotel & Spa. Gjithsej 40 të punësuar nga kompania “Maliqi Group” iu bashkuan fushatës kombëtare BËHU ZEMËR – BËHU HERO, e cila zbatohet nga Klinika e Hematologjisë, me mbështetjen e Ministrisë së Shëndetësisë dhe Institutit të Gjenetikës Humane. Në botë, çdo 4 minuta, një person diagnostikohet me leukemi dhe mundësitë për të gjetur një donator të përshtatshëm ndonjëherë janë shumë të vështira. Shpresojmë që 40 kolegët tanë të kenë mundësinë t'u japin një mundësi për një fillim të ri, njerëzve që vuajnë nga një lloj kanceri hematologjik. Arsyeja e këtij aksioni ishte hapja e Qendrës së parë Rajonale për transplantim të palcës kockore në kuadër të Klinikës së Hematologjisë, e cila përveç kompanive të sigurimit të Maqedonisë së Veriut, është në gjendje të trajtojë pacientë nga Kosova, Shqipëria, Mali i Zi, Bosnja dhe Hercegovina dhe , ku ende nuk janë futur këto ndërhyrje. Njëkohësisht iu bashkuam apelit të autoriteteve shëndetësore, që sa më shumë qytetarë të regjistrohen në Regjistrin e dhuruesve vullnetarë të palcës kockore. Secili prej nesh mund të ndihmojë, që dikush të jetë përsëri i shëndetshëm! I bëjmë apel qytetarëve të tjerë, miqve tanë, që t'i bashkohen regjistrit të dhuruesve të palcës kockore dhe së bashku të bëhemi hero i dikujt!