I nderuar Enver Maliqi

I nderuari Enver Maliqi e ndante çdo moment me familjen, miqtë dhe bashkëpunëtorët, dhe të gjithë të punësuarit i shihte si pjesë të familjes.
Mbetet amaneti që na la si rrugën që duhet ta ndjekim, dhe ajo është që ta vlerësojmë dhe duam çdo moment të jetës, t’i duam dhe respektojmë të afërmit dhe njerëzit rreth nesh, të jemi njerëz të mirë, të mos ndalojmë së avancuari dhe të jemi gjithmonë më të mirë. Na la përgjegjësi të madhe që t’i vazhdojmë veprat, misionin e tij dhe para së gjithash madhësinë e njeriut që kishte në vetvete.
Dhimbja është e pamatshme dhe e pakohshme, por ajo që na jep ngushëllim janë veprat dhe vula që la mbi secilin prej nesh, më shumë se gjithçka jemi të sigurt që do të jetojë përgjithmonë tek të gjithë ne.