Господинот Алтин Малиќи, еден од сопствениците и член на бордот на директори на Малиќи Груп, беше дел од настанот „Клуб на одговорни бизниси“ кој се одржа под покровителство на Претседателот на државата г. Стево Пендаровски, a се возобнови како дел од проектот на УСАИД, „Партнерства за донирање“. Малиќи Груп е една од 36 компании кои потпишаа заложби за посветеност на одржливиот развој и усвојување деловни практики кои се одликуваат со транспарентност, еколошка свест, инклузивност и почит за заедниците во кои работиме и вложуваме. Настанот беше организиран од Конект во партнерство со Европскиот центар за непрофитно право, Стопанска комора на северо-западна Македонија,Индиго и AmCham North Macedonia како дел од проектот на USAID North Macedonia.