Një nga prioritetet strategjike të grupit Maliqi, është zhvillimi i punonjësve.

Për të shfrytëzuar potencialin dhe ekspertizën e brendshme, kemi themeluar Akademinë e Lidershipit të grupit Maliqi përmes së cilës do t’u mundësojmë kolegëve tanë të zhvillojnë dhe forcojnë kapacitetet e tyre për komunikim dhe negociata biznesi, menaxhimin e ndryshimeve, si të ndërtojmë të ekipe efektive dhe së fundi diçka për financierët me modulin financa për jofinancierët. Nëpërmjet seminareve intensive në këtë Akademi Lidershipi, modulet më të mira në praktikë do të ndahen në mënyrat e negocimit dhe komunikimit, me synimin për të përmirësuar aftësitë personale për t’u bërë liderë të mirë.

Ideja e Akademisë është që përmes shkëmbimit të ideve dhe përvojave të kolegëve të përvetësohen njohuri dhe shkathtësi që do të mund të shfrytëzohen nga punonjësit nga të 12 kompanitë e grupit Maliqi.

Nuk kemi asnjë dyshim, se po bëjmë më të mirën për ne, për kompaninë dhe për punonjësit tanë. Pas përfundimit të Akademisë së Lidershipit, kolegët tanë pjesëmarrës do të pasurohen me njohuri dhe aftësi të përmirësuara.

Ne presim një humor të mirë dhe ndryshime pozitive!